تعلم الإنجليزية بخطة واضحة، نهار بنهار
كورس ديال الدراسة الذاتية فالتيليفون ديالك، كل نهار فيه خطوات واضحة. كتسمع، كتعلم الكلمات، كتقرا، ومن بعد كتهضر — تقريبا ساعتين فالنهار، فالوقت اللي بغيتي.
خطط دراسة مبنية على مناهج Pearson و Cambridge.
اختبار المستوى كياخد تقريبا 10 دقايق، وبلا حساب.
لاقي صعوبة فالإنجليزية؟ المشكل ماشي فيك
المشكل ماشي أنك ما كتقدرش تتعلم الإنجليزية. المشكل هو أنك ما عندكش خطة واضحة كتقول ليك شنو تقرا، شنو تراجع كل نهار.
كتضيع الوقت فالبحث
كتبحت وكتلقى آلاف ديال الفيديوهات، التطبيقات والمواقع. والسؤال ديما هو: شنو نتبع؟ ومنين نبدا؟
كل أسبوع خطة جديدة
كتبدا بخطة، كتمشي معاها يومين ولا تلاتة، ومن بعد كتلقى طريقة أخرى وكتقول: يمكن هادي هي اللي غادي تنفعني أكثر.
ما عارفش واش تقدمتي
إلا ما كانتش عندك خطة واضحة وطريقة تتابع بيها التقدم ديالك، غادي يبقى صعيب تعرف واش فعلاً كتطور فالإنجليزية.
Darija to Fluency كيعطيك هاد الخطة: شنو تخدم، امتا، وشحال ديال الوقت — كل نهار.
6 كورسات، خطوة بخطوة
كل كورس 12 سيمانة. اختبار المستوى كيقول ليك منين تبدا، باش ما تعاودش داكشي اللي كتعرف — وخلصة وحدة كتغطي الطريق كامل.
- 1Starterسيمانة 1–12
- 2Elementaryسيمانة 13–24
- 3Pre-Intermediateسيمانة 25–36
- 4Intermediateسيمانة 37–48
- 5Upper-Intermediateسيمانة 49–60
- 6Advancedسيمانة 61–72
من Starter حتى Advanced: 72 سيمانة ديال القراية — تقريبا 17 شهر.
دوز اختبار المستوىكيفاش تبدا؟
عرف المستوى ديالك
دوز اختبار المستوى بالمجان. تقريبا 10 دقايق، بلا حساب.
دوز الاختبار ←حل الطريق ديالك
خلص مرة وحدة. المستوى ديالك كيتحل فالحساب ديالك دابا، والكورسات الجايين كيتحلو ملي كتطلع — حتى لـ Advanced.
تبع الخطة كل نهار
تقريبا ساعتين فالنهار، 6 أيام فالسيمانة ونهار خفيف. كلشي منظم ليك.
شوف التقدم ديالك
علّم على كل جزء كتسالي. التقدم ديالك كيتسجل فالحساب ديالك، من أي تيليفون.
شكون صاوب الكورس
حيث كنت فبلاصتك. حتى أنا تعلمت الإنجليزية بوحدي، ومن الصفر. بلا أستاذ ولا حصص خصوصية.
جربت YouTube، جربت التطبيقات، قريت الكتب، وقلبت على بزاف ديال المصادر. ولكن مع الوقت فهمت أن المشكل ما كانش فقلة المصادر — بالعكس، كانوا بزاف.
المشكل كان: ما كنتش عارفة شنو نتبع، منين نبدا، وشنو ندير كل نهار. ومن بعد سنوات ديال التعلم والتجربة، اكتشفت أن أسرع طريقة باش تتعلم أي لغة هي يكون عندك خطة واضحة وروتين ثابت.
وداكشي علاش، من بعد ما وليت أستاذة ديال الإنجليزية، وخديت CELTA من Cambridge، وتكوين فـInstructional Design، قررت نبني النظام اللي كنت كنتمنى يكون عندي ملي بديت نتعلم.
وهاد الكورس هو داك النظام: خطة واضحة، روتين منظم، وحل لأكبر مشكل كيواجه اللي كيتعلم بوحدو: «علاياش نخدم اليوم؟»
خلصة وحدة، والطريق كامل ديالك.
دفعة وحدة، ماشي اشتراك شهري.
- كل الكورسات من المستوى ديالك حتى Advanced — كل واحد كيتحل ملي توجد ليه
- خطة واضحة لكل نهار: 12 سيمانة لكل كورس، تقريبا ساعتين فالنهار
- التسجيلات، التمارين، النصوص وأوراق العمل كاينين داخل الكورس
- 10 كلمات جداد كل نهار، بالمعنى ديالها بالدارجة
- التقدم ديالك محفوظ فالحساب ديالك
- Community كتجمع المتعلمين المشتركين
- كل التحديثات الجديدة ديال الكورس
أسئلة
واش خاصني PC؟
لا. كلشي خدام فالتيليفون. والـ PC حتى هو خدام، والكيتمان (écouteurs) كيعاونو فالـ Listening.
شحال كياخد الكورس؟
12 سيمانة، تقريبا ساعتين فالنهار. كل مستوى عندو الكورس ديالو ديال 12 سيمانة.
إلا فاتني شي نهار؟
كمل من فين حبستي. التقدم ديالك محفوظ، وكل سيمانة فيها نهار خفيف باش تلحق.
كيفاش نخلص؟
دفعة وحدة، فالواتساب. المستوى ديالك كيتحل فالحساب ديالك ملي نأكدو الخلاص، والكورسات الجايين كيتحلو ملي كتطلع.
منين نبدا؟
دوز اختبار المستوى بالمجان: كيقول ليك المستوى ديالك والكورس اللي مناسب ليك.